Fondo Europeo de Desarrollo Regional (FEDER)

Unha maneira de facer Europa

Liña de actuación 12

MEDIDAS DE APOIO PARA A COMERCIALIZACIÓN E A INNOVACIÓN DO COMERCIO LOCAL E DAS NOVAS INICIATIVAS AGROALIMENTARIAS

NECESIDADES

Aumento do desemprego e destrución dunha parte significativa do sector comercial provocado pola perda dunha boa parte do tecido industrial de Lalín nos anos da crise económica, especialmente entre as mulleres e os mozos.
Necesidade de apoio, coma o fomento da innovación, por parte dos negocios existentes para adaptarse aos novos tempos e ser máis competitivos.
Importantes barreiras no tocante á comercialización, márketing e distribución coas que se atopa o incipiente sector vinculado á transformación industrial da produción agrogandeira (agricultura ecolóxica, gandeiría, apicultura, etc.) e artesanal.

OBXECTIVOS

Esta liña de actuación afronta o apoio necesario ao tecido comercial local, facendo fincapé nos colectivos desfavorecidos –especialmente mulleres e mozos– da seguinte maneira:

Posta en marcha dun espazo de apoio ao sector do comercio.
Execución e posta en marcha dunha plataforma de comercio electrónico local.
Apoio e asesoramento aos produtores locais na comercialización dos seus produtos.
Fomento do consumo de produtos locais baseado na calidade e no consumo de proximidade.
Promoción dos produtos agroalimentarios de Lalín noutros mercados.

RESULTADOS

Impulso do sector comercial e da produción e transformación agroindustrial no marco do concello de Lalín.
Desenvolvemento de proxectos innovadores no sector comercial e agroindustrial.
Rehabilitación do tecido comercial retallista local, e do tecido produtivo vinculado á produción agroalimentaria.
Fomento de novas canles de comercialización e mellora da comercialización dos produtos locais de Lalín.
Consolidación da empregabilidade e mellora da situación socioeconómica de colectivos desfavorecidos coma mulleres e mozos.